ABESTIA: Loretxoa

Hemen uzten dizkizuegu Benito Lertxundik aspaldian kantaturiko bertso hauek. Ea ongi pasatzen duzuen umea eta lorearen  istoriotxoarekin.

Mendian larrartean

aurkitzen da loretxo bat.
Aurrean umetxo bat
loretxoari begira.

Loreak esan nahi dio
«Umetxo aska nazazu,
jaio naiz libre izateko
eta ez loturik egoteko.»

Umetxoak ikusirik
lorea ezin bizirik
arantzak kendu nahi dizkio
bizi berri bat eman.

Orduan izango bait du
indarra eta kemena;
orduan emango baitu
ugari bere fruitua.